إجابة سؤال : "شلون أحمي نفسي من نواياهم ؟ "

السلام عليكم

سؤال وصلني من متابعة عالانستقرام :

تقول :

فيه أشخاص من حولي للأسف تأكدت إن نواياهم لي مو زينة

شلون أحمي نفسي من نواياهم ؟

جوابي في ٣ نقاط ،،

[ بدون تمارين تدرّع ولا حماية ]

•••

١- عادي

💅🏻

هم أحرار بـ نواياهم ، مو شي يضرك 💅🏻

“واعلم أن الأمة لو اجتمعت على أن يضرّوك بـ شئ لن يضروك إلا بشئ قد كتبه الله عليك “💡

قوة الآخرين محدودة🤓

مهما كانت نواياهم سيئة ما توصل لك ولا تضرّك

هذي القاعدة ،، لكن فيه استثناء :

متى ممكن نواياهم نضرك ؟

لو انتي عطيتيهم القوة

لو انتي بداخلك “سمحتي” انهم يضرونك

شلون “سمحتي” ؟ 🤔

يعني اقتنعتي بـ إنهم يقدرون يضرونك ! 🙄

خفتي

عشتي مشاعر ترقب و”توقُّع سلبي”

هم أحرار بـ نواياهم 🤷🏻‍♀️

والله يكون بعون كل شخص ينوي لغيره ضرر لأن هذي دلالة إن هذا الانسان يعاني وضايع وتايه عن نفسه وعن ربه وعن الحياة الصح ! 🤷🏻‍♀️

هالناس ما ينخاف منهم

هم ما فكرو بالنوايا السيئة لغيرهم إلا لأنهم في قمـــــة الضعف ! 💡

•••

٢- الحماية دايماً موجودة لو كانت عندك هذه القناعة🪄

انتي مو بـ حاجة تمارين أو أدوات أو طريقة

محتاجة فقط قناعة وشعور بأنك محمية وفي أمان🪄

هل تقولين أذكار الصباح والمساء مثلاً ؟ 👀

هل عندك دعاء للحماية؟👀

“بسم الله الذي لا يضر مع إسمه شئ في الأرض ولا في السماء وهو السميع العليم” مثلاً💛

الحماية بسيطــة ،، مو محتاجة اختراعات جديدة

مجرد قناعــة وإيمان بالله سبحانه وتعالى وتوكُّــل🪄

٣- الأهم من تحليل نوايا الآخرين لك : ايش نواياك انتي لـ نفسك ؟ 😅🤔🤓

نواياك لـ نفسك موضوع أهم مليون مرة من يا ترى هالناس اللي حولي ايش ناويين لي !💪🏼

نواياك لـ نفسك هي اللي بتحدد تركيزك وين بيكون ، بتحدد تقدمك ونجاحك واستمتاعك بحياتك وأهدافك اللي تتحقق 🤩

حتى الناس اللي موجودين حولك هم بكبرهم ممكن يتغيرون لما تغيرين نواياك ! ♻️

بدل تحليل نواياهم :انوي نوايا جديدة للناس اللي تبينهم يكونون بحياتك :

أنوي إن يكونون حولي ناس أشعر بـ حبهم ودعمهم وتشجيعهم لي💛

أنوي إن الله سبحانه وتعالى يرزقني الصحبة الصالحة اللي يساعدوني إني أكون بأفضل إحتمالاتي ،، اللي يكون وجودهم سبب إضافي يزيدني أمان وإنطلاق وحب وثقة وراحـــة ..💛

شفتي شلون الشعور حلو ؟ أحلى من تحليل نواياهم💅🏻

•••

استعيدي قوتك وأمانك 🙏🏻

إحنا بشر متنوعين مختلفين

نمرّ كلــنـــا بمشاعر متنوعة مختلفة

وجودنا مع بعض دايماً مفيد لنا 💛

[ دايماً قصدي عموماً احتكاكنا ببعض مفيد ، مو قصدي ٢٤ ساعة طبعاً ]

ما فيه داعي نخاف من بعض 🙏🏻

وما فيه داعي ننفر من بعض 🙏🏻

كل واحد فينا مسؤول عن نفسه

ويختار مدى تأثير نوايا الآخرين عليه💡

•••

استفدتي من التسجيل ؟

اكتبيــلـــي 💬