أسباب التشتت الحقيقية ،، ماهي نظرتك للـ التركيز ؟

سريعة الالتهاء ؟

سريعة التشتت ؟

تعتقدين إن مشكلتك هي التكنولوجيا ؟ والتنبيهات اللي توصلك والرسايل اللي لازم تردين عليها ؟

تعتقدين إن مشكلتك هي الايميل وزحمة الشغل والدوام ؟

أم

تعتقدين إن مشكلتك هي إدمان السوشال ميديا واعتيادك على متابعة البرامج ؟

كل هالنقاط مــــو مشكلتك

فيه أسباب ظاهرية سطحية للتشتت [ ومهم نتعامل معها لكنها ثانوية ] مثل :

التليفون

التطبيقات

وضع حدود للسوشال ميديا

تنظيم الوقت

وضع حدود للعمل

إغلاق التنبيهات

لكن هذي كلها مو الأسباب الأهــم !

فيه أسباب داخلية عميقة تجعلنا سريعي التشتت !

ولو ما تعاملنا معاها بنلاقي أشياء جديدة تشتتنا وتلهيـــنا !

ايش هذي الأسباب الداخلية العميقة ؟

غالباً هي مو متعلقة بالتشتت إنما بالتركيز والحضور ! العكس

يعني مشكلتك مو مع وسيلة الهروب [ التشتت ]

إنما مع مالذي تهربين منه ؟

هل تهربين من التركيز لأن عندك نظرة سلبية تجاهه ؟

تهربين من التركيز لأنك مقتنعة [ قناعة غير حقيقية ] إنه صـــعـــب ومتـــعـــب ؟

عمرك شفتي طفل تحت السنة يلعب ؟

مركّــــز ومستمتع ومنغمس بلعبته

إذا الطفل اللي ماعنده أي خبرة ولا أي معلومات قادر بفطرته يركّز ويستمتع بالتركيز ،، شلون نقول عن التركيز إنه صعب ؟

عندنا قناعات سلبية كثيـــــر عن التركيز ، غالبيتها جت من طفولتنا ومن نظام الدراسة والتدريس

كلمة [ركزي] تسمعينها بصوت فيه غضب وأمر وانزعاج صح ؟

متعودين على كلمة [ ركزي ] اللي تجي من أستاذة قاسية مضغوطة أو من أم متنرفزة وهي تدرسك ،، صح ؟ ???

من دراستنا بطفولتنا نربط التركيز بـ الغضب بالشعور بالضغط بالانزعاج بالصعوبة

هل تختارين الآن كـ إنسانة ناضجة مسؤولة عن نفسك إنك تكملين بهذه التعريفات لـ كلمة [ التركيز ]

أم تختارين تعريفات جديدة ألطف وأصدق

التركيز ممتع ،، لما تنغمسين بكل حواسك بالشي اللي قاعدة تسوينه أياً كان بتحسين إنك متقنة لهالشي أكثر ، تخلصين أسرع ، تخلصين المهمة بجودة أعلى ، بتحسين إنك فصلتي عن الفوضى وزحمة الأفكار وبتحسين بـ سلام داخلي أكثر ..

الحضور ممتع ،، كونك في اللحظة شي ممتع !

الحضور إعادة شحن ،، انسجام مع الحياة ،، مشاعر إتصال بذاتك وبكل شي من حولك ،، ارتياح واطمئنان ..

برمجاتنا مو صح

الآن ازداد وعينا ونقدر نختار كيف نُعرُّف التركيز والحضور ..

استفدتي من البوست ؟

اكتبي لي