عن أهدافنا الكبيرة والخوف ...

عن أهدافنا الكبيرة ،، والخوف

سؤال وصلني : أنا مقبلة على خطوة كبيرة ومهمة واشتغلت عليها كثير ،،

بس أنا خايفة ..

لازم أعترف وأقول بصوت عالي : أنا خايفة

كيف أتصرف ؟

➖➖➖

أولاً : برافو على شجاعتك في التغيير ،، على شجاعتك في أخذ خطوات مهمة وجديدة وكبيرة بالنسبة لك 👏🏼👏🏼

•••

ثانياً : شعور الخوف مو مخيف ،،

الخوف ما يخوِّف ❗️

الخوف شي عــــادي نقدر نعترف فيه ونتكلم عنه ونقرّ بوجوده ونكمل عادي .. 💅🏻

شي لاحظته : الشي اللي الناس يسمونه [خوف] في كثير من الاحيان يكون [رهبة] أو [حماس] ،، 💡

مو خوف ولا توتُّــر ..

الخوف ما يخوِّف 🪄

لا تعطينه قيمة ولا أهمية أكبر مما يستحق ..

•••

ثالثاً : لما تعاملين [أفكار الخوف ] على إنها أفكار عادية ومو هامتك أصلاً

ايش يصير ؟

تفقد قوتها ! 💨

تصير أفكار عادية 🍂

س: شلون أحول أفكار الخوف لأفكار عادية ؟

ج : بالكشف عنها بدلاً من تخبئتها كأنها سر مهم ومخيف !

فرّغيها ، اكتبيها ، احكي عنها .. احكي عنها وكأنها صغيرة وتافهة [لأنها فعلاً تافهة]

•••

رابعاً :

اختاري أفكار بديلة عنها ♻️

لما ما يكون عندك إلا أفكار الخوف : بتفكرين فيها

لكن لما تعطين نفسك بدائل /طريقة تفكير أخرى /اتجاه أفكار آخر : بتلاقين أفكارك صارت حلوة ومريحة ✨

مثال :

1️⃣

فيه إحتمال أفشل في هذه الخطة وأنحرج 🙃

الفكرة البديلة : صح ممكن ،، وعادي الفشل مو شي يحرج ! بالعكس هي خبرات أجمعها وأستفيد منها

وكذلك ممكن أنجح🙃

مثال ثاني :

2️⃣

هذي خطوة كبيرة خذت كثير من وقتي وجهدي ،، بس النتيجة غير مضمونة 😟

الفكرة البديلة :

أنا سعيت بقدر استطاعتي ،، تحديت نفسي وجاهدت نفسي

هذا كان دوري ، الباقي مو بأيدي بس أنا متوكلة على الله سبحانه 🕊

•••

مشاعر الخوف : هي نتيجة أفكار قديمة متبرمجة عليها بدون ما تعرفين يمكن ،، من المجتمع من الاعلام 📺

وهذا [ مطمئن ]

شلون مطمئن ⁉️

هذي مو مشاعرك [انتي] ولا افكارك [انتي]

لو بحثتي عن أفكارك انتي ؟ وانتي بهذا الوعي والاطلاع والتعلّم المستمر في ما ينفعك ؟ يمكن بتكون أفكارك كلها اطمئنان وراحة وانسجام ! 🌱

•••

برنامج يفيدك بهالموضوع ؟

أكيد أكيــــد #نوايا_101

تمرين بسيط ،، لو كان عندك أهداف كبيرة

ومعاها مشاعر متلخبطة

وما تدرين هي مخاوف أو حماس أو

📝 اكتبي وفرغي أفكارك

فيه ٣ احتمالات ..

1️⃣

بـ تلاقين بعض الأفكار جداً تافهة ومالها أي أهمية

أصلاً بمجرد ما تكتبينها بتقولين لنفسك : من جد يعني أنا شايلة هم هالأفكار 😂

وبكذا يختفي أي ضرر لها 🕊

مثال : خايفة أبدا أسعى لأهدافي و أطفش ، خايفة أملّ ، خايفة ما يكون لي خلق .. خايفة ما أكمل ..

هذي أفكار موجودة فعلياً 😂 وتخيلو انها كثير تعيقنا عن السعي وصنع حياة تشبهنا !

طيب ايش الحل ؟ مو شي جديد اننا لازم نعلم أنفسنا الاستمرارية والتغيير الدائم وجهاد النفس 😂 its ok

This is life ✨

عادي

2️⃣

وبـ تلاقين بعض الأفكار فيها تركيز على احتمالات سلبية ،، ماذا لو صار أسوأ الاحتمالات .. 😵😵‍💫

هذا ظن سلبي ، هذا تشاؤم ❌

ولو الناس فكرو بـ الاحتمالات السلبية اللي ممكن تصير محد بيغير ولا احد بيشتغل 🤷🏻‍♀️

الحل : ركزي عالاحتمالات الحلوة ، احتمالات النجاح ، هذا هو التفاؤل اللي إحنا مأمورين به ! لأن هذي طريقة تعمير الحياة : نتفاءل ونتوقع الاحتمالات الجيدة 💪🏼

مثال : الوزن الزايد مسبب لي مضاعفات صحية وقررت أسوي اجراء طبي لتنزيل الوزن ،، بس فيه احتمالات ضعيفة انه تصير معي مضاعفات ،،

طيب هذي المضاعفات فعلياً نادرة والحمدلله !

ليش تركزين عليها ؟ ليش ما تركزين على أفكار النجاح !

لو ركزتي عالضرر ممكن تكونين سبب في جذب الضرر😮‍💨

ولو ركزتي عالنفع والاستفادة بأفضل الاحتمالات ممكن تكونين سبب في النفع والاستفادة بأفضل الاحتمالات ✨

الاحتمال الثالث اللي ممكن يصير لما تقررين القرار الشجاع بمواجهة هالمخاوف والكتابة وتفريغها

3️⃣

وبـ تلاقين أفكار محتاجة توضيح أو محتاجة عمل أو محتاجة اختيار وقرار

يعني محتاجة عمل شوية homework عشان تتطمنين

وهذا شي حلو ومهم 💡 هذا مو #خوف انما شي بداخلك يقولك "فيه شي ناقص"

مثال : خايفة أبدا بزنس ،،

تسألين نفسك ليش ؟

تكتبين تكتبين تكتبين وتلاقين أغلب اللي يطلع منك هو "خايفة تتغير حياتي وروتيني" أو "خايفة إنه عالم جديد ما أفهم فيه" ..

حلو 💡

إذاً أعطي نفسي ما يطمئنها :

كيف أريد أن يكون روتيني بعد البزنس ؟ 📝

ايش أحتاج أتعلم عن البزنس ؟ كيف أزيد فهمي لهذا العالم ؟ 📝

عشان نتعامل مع الخوف بشكل صحي وعادي ،، نواجه بشجاعة ونطلع كل اللي بداخلنا عن طريق التعبير أو الكتابة ،، اذا طلع احتمال انها افكار بسيطة وأنا بتجنبي لها كنت احسها كبيرة : ممتاز أقدر الآن أرجعها لحجمها الطبيعي

لو كان احتمال انها كشفت لي تشاؤمي وتركيزي على أسوأ الاحتمالات : شي مقدور عليه أقد أعيد توجيه نفسي نحو التفاؤل

لو كان احتمال ان خوفي بالواقع هو ان فيه شي ناقص ،، ممتاز أسد النقص

الخلاصـة :

مـــافيــه خوف يستاهل يوقفنا !

كل شي وله حل ✨

كل فكرة ولها طريقة صح للتعامل معها✨

وأكيد أياً كانت أفكارك ومخاوفك :

بــــــعـــــــد السعي والأخذ بالأسباب :

توكلي على الله سبحانه وتعالى 🙏🏻 واطلبي منه ينور بصيرتك وطريقك ، ويلهمك الخطوات الصح ، ويقويك على السعي والعمل وصنع حياة تشبهك 💪🏼

اطلبي منه يرزقك الأفكار اللي تزيدك قوة ،، ويصرف عنك الأفكار اللي تضعفك وتضعف عزيمتك .. 🙏🏻

يارب يكون هذا التسجيل سبب في انه يكشف لك أنماط قديمة كانت تعيقك عن صنع الحياة اللي تشبهك وتليق بك 💛