إجابة سؤال : هل أنا منظمة بـ طبيعتي ؟

هذا السؤال يجيني من فترة لـ فترة وأحسه فرصة لـ توضيح نقطة مفيدة ومهمة💡

س: هل أنا منظمة بـ فطرتي / طبيعتي ؟ 👀

هل الناس ينقسمون لـ قسمين :

قسم بفطرتهم بطبيعتهم منظمين

وقسم بفطرتهم بطبيعتهم غير منظمين❓

لا

التنظيم سلوك ، مو صفة تنوجــد فينا

أشاركك تجربتي الشخصية لعلها تفتح لك إحتمالات جديدة 🪄

هل أنا منظمّة بطبيعتي ؟

لا أبداً !

يمكن بالنسبة للي يشوفوني استخدم التقويم ودفتر التخطيط والكالتدر والتطبيقات الخاصة بتنظيم الوقت يعتقدون اني منظمة بطبيعتي بس الحقيقة اني

بالعكس ،، أميل لأني أنسى الوقت وأفقد الإحساس بالوقت☁️

أحب الأوقات اللي مالها حدود ، أحب آخذ وقتي وأكون بطيئة هادية رايقة☁️

أحــب أعيش اللحظــــة وأنسى نفسي فيها ☁️

ومــــــا أحـــــب أتابع الوقت يسرقني من اللحظة ☁️

لكــــــن

أحب الحيـــاة 💕

و “طمّــــــاعـــــــة” في حبي للحياة

أبي أعيش كثير أشيا متنوعة في يومي وبمعاييري وبطريقتي بعد

لذلك قررت : إن الوقت يصير صديقي

إذا ضبطت تنظيم وإدارة الوقت : رح أقدر أعيش الحياة المليئة بالحياة

١- إذا استسلمت لـ طبعي ونسيت الوقت :

بتصير الواجبات والمسؤوليات هي اللي تتحكم بيومي ومارح أعيش اللحظات اللي أبيها👎🏻

٢- إذا تعلمت أدير نفسي وأدير كيف أقضي وقتي :

رح أقدر أؤدي مسؤولياتي وبنفس الوقت أعيش اللحظات اللي أبيـــهــا👍🏻

فـ :

أنا مو إنسانة منظمة بطبيعتي 🙃

إنما أنا إنسانة أستخدم أنظمــة وأمشي على سيستم

عشان يتنظم وقتي وتصير عندي مساحة أعيش الحياة اللي تشبهني اللي أحبهــا

أستخدم أدوات ممكن نقول انها مملة بس أنا علّمت نفسي أحبها وأستمتع فيها:

ملف المتابعة - الأسبوعي

Google calendar تقويم قوقل

Erin condren planner دفتر التخطيط الملموس

Notion موقع وتطبيق

تطبيق atracker لمتابعة ساعات يومي ساعة بساعة بحيث أقدر أشوف التحليل لوين راحت ساعات أيامي وأسابيعي

أدوات مملة أحيانا

بس ليش أستخدمها ؟

لأن اللي الاسوا بالنسبة لي هو إحساس “وين راح وقتي” !

أو إحساس إن الأيام قاعدة تركض وأنا ما سويت اللي ودي أسويه فيها

أبي [ أمســـك ] اليوم ! 🙏🏻

الحين لسه تشوفيني منظمة بطبيعتي؟ 😂

أنا لسه ودي أكون أكثر تنظيم

بس لو كنت واصلة لمرحلة جيدة بالتنظيم فهذا راجع لـ سلوكي وللسيستم اللي أمشّي نفسي عليه بـ حزم مو بمزاجي💪🏻

ما أحب تنظيم الوقت عشان تنظيم الوقت نفسه🙄

أحب الحياة المليئة بالحياة💕

تنظيم الوقت وسيلة للوصول لـ هذه الغاية

استفدتي من التسجيل ؟ اكتبيلي