وصف الدورة
قصة تتكرر كثير ،، آخر مرة الأسبوع الماضي حكتها لي إنسانة أعرفها من بعيد و أحترمها ،، وياليت كنت أقدر أساعدها قبل ما توصل لهالمرحلة اللي هي فيها حالياً ..
إمرأة قوية ومسؤولــــة وفي عملها “ناجحة” وتشوفينها تقولين : واو ماشالله عليها ،،
بس هي شتقول ؟
تقول انها انسانة بسرعة تتوتــر وصارت ما تتحمل أي شي زيادة ، وإنها من الضغط بدت تجيها مؤخراً نوبات هلع ، وصارت تاخذ حبوب مهدئــة تساعدها تتخطى المشاعر المتعبة
الشخصية السريعة التوتر + اللي محملة نفسها مسؤوليات كثير + اللي ما عندها أدوات متنوعة للتعامل مع نفسها مع توترها والضغط اللي عليها : بتتعب !
[ أنا ما أقول ان أخذها للحبوب غلط ، مو موضوعي ، لكن كلنا نتفق ان ياليت نخلي الحبوب آخــــــر الوسائل اللي نلجئ لها ، وهذا فعلاً ممكــن بكثير من الحالات والله يعين ]
لو انتي شخصية سريعة التوتر ،، أو تمرين في مرحلة تخليك سريعة التوتر
ترى فيه حلول ! كثيــــر حلول ! الا ما تلقين بينها اللي يناسبك ! أوعدك وعـــــد
اللي تمر فيه النساء اليوم نتيجة طبيعية لـ برمجات كلنا تعرضنا لها : المرة السنعة الناجحة القوية
كلنا تعرضنا لـ برمجات انك تقدرين تنجحين وتتوازنين
بس قليل مننا تعلمنا واكتسبنا مهارات إدارة الحياة اللي تساعدنا على التعامل مع كثرة الضغط / المسؤويات / التوتر !
عشان نصير من جد المرأة القوية الناجحة بدون ما نخسر أنفسنا / سلامنا / صحتنا : نحتاج أدوات جديدة
في هالأمسيــة أبي أختصر عليك البحث والقراءة والتجارب وأعطيك الخلاصة !
طرق بتســـاعدك تجمعين بين [ تحمل مسؤولياتك صح ] وبين [ انك تكونين متوازنة وحاسة بسلام داخلياً ]
طرق تغيرين فيها تفاصيل صغيرة في تصرفاتك وحياتك : بس تمكّنك من حمل الأمانة بـ سلام
الأمسية مناسبة للأمهات اللي يبون يكسبون العمل والنجاح الوظيفي & الأمومة والبيت والتربية & صحتها وقوتها واهتماماتها !
مناسبة للنساء اللي عندهم بزنس وعمل تجاري ياخذ كثير من الساعات يومياً
مناسبة للبنات اللي عليهم مسؤوليات بالبيت [ اهتمام بالوالدين / الأخوان الصغار ] & وظيفة متطلبة بساعات عمل متعبة
مناسبة للمرأة اللي تمر بمرحلة تغيير في مسؤولياتها [ توها تتزوج / تحمل / تنجب .. الخ ] وبدت تنضغط وتتوتر من التغيير
النتيجة اللي تتوقعينها :
نظرتك لمسؤولياتك وقدرتك عليها بـ تتغيــــــــــــــر ١٨٠ درجة !
أفكار جديدة واقعية عملية لـ كيف تديرين كل شي بـ سلام واستمتاع
حب أكثر لمرحلتك برغم كل التوتر اللي فيها
وسائل/أدوات جديدة تضيفينها لصندوق أدواتك تنفعك الآن وفي المراحل القادمة
شعـــور ســــلام تستاهلينه !
الأمسية مسجلة وتقدرين تشوفينها مباشرة بعد الاشتراك
وبتكون موجودة على طول في حسابك عالموقع
وتساب السكرتيرة لأي مساعدة : 00965-65660624
ماذا ستتعلم في هذه الدورة؟
إدارة المسؤوليات بـ رواء !
متطلبات الدورة
استــــعــــداد فقط لا غير
محتوى الدورة
تسجيل الأمسيــة ،،، هنــا
سلايدات الأمسية .. هنــا
تشتمل هذه الدورة على:
- مدة الدورة: 1 ساعة 0 دقيقة
- المواد التعليمية: 3 مواد
- المستوى: كل المستويات
