"أحس إني رجعت لنقطة الصفر" | كيف أصل للتشافي الحقيقي ؟

"كثير إشتغلت على نفسي ، وكنت أظن إني تخطيت هذي الجروح ! بس الحين أحس إني رجعت لنقطة الصفر ..

هل بيجي اليوم اللي فعلاً فعلاً أتخطى فيه هالجرح وأتشــافـــى ؟ “

من أكثر الكلمات اللي سمعتها في مكالمات الـ coaching على مدى ١٠ سنوات 📞

الجواب المنقذ :

التشافي ليس خط مستقيــم ↗️

helloing is not linear

التشافي رحلة فيها الطلوع والنزول ↗️↘️↗️↘️↗️

هذي هي طبيعة #التشافي !

بلا مثاليات تخلينا نزعل من أنفسنا أول ما موقف يستفز فينا جروحنا ..

[الاحباط] ثمرة [المثالية المفرطة] 💡

[الاستمرارية بحب وقبول] ثمرة [الوعي الحقيقي]💡

التشافي ليس خط مستقيم :

يعني مو عشان بدينا نشتغل على أنفسنا : سـ نكون في تقدُّم دائم مستمر واضح مباشر .. تحسُّن مستمر ✈️

التشافي رحلة فيها الطلوع والنزول

يعني : بشغلك على نفسك أحياناً بتحسين إنك صرتي أحســــن بكثيـــر ، وبعدين بتحسيــن إنك لما يجي شي مستفز trigger : ما كأنك أصلاً إشتغلتي على نفسك ولا واجهتي الموضوع ولا غيرتي فيه أي شي وكأنك رجعتي لـ نقطة الصفر ،،

📣هذا مو إحساس حقيقي هذا بس إنطباع ..

بس هذا الشي المستفز الـ trigger بيطلع لك بقايا مشاعر وأفكار محتاجة علاج وتغيير [ وهذا شي مفيد وممتاز ! ]

المواضيع المهمة في حياتنا ، ما تنكشف لنا كــلها كاملة مره واحدة

تنكشف لنا طبقة طبقة

بقدر وعينا وقدرتنا واستعدادنا لـ تغييرها 💪🏼

هذي رحمة من الله سبحانه 🤲🏻

“ لا يكلف الله نفساً إلا وسعها”

"نظن"

اننا نقدر نحل الموضوع كــلــه من جذوره مره واحدة

بس ما نعرف !

الله سبحانه وحده اللي شايف حجم هالموضوع

واذا احنا مستعدين وعندنا كل المعلومات والأدوات اللي نحتاجها عشان نحل الموضوع كله من جذوره مرة واحدة والا بالتدريج ، مرة ورا مرة ورا مرة

نصيحتي :

كوني في إيمان وتوكل واستمرارية

المستمر منتصر 💡

طريقك بيكون فيه مراحل تقدُّم سريع ، وبيكون فيه مراحل “تشقلب” 🤸🏻

بيكون فيه مراحل مريحة وسلسة ،، وبيكون فيه مراحل صعبة وغريبة ولغز ما ينفهم !

أتوقع هالكلام بيعطيك قوة حقيقية مو قوة وهمية ،،

استمري وكملي وتوكلي ،، والمهم التقدم والرحلة ، مو الوصول 🙏🏻

اكتبيلي ،، أبي أسمع منك 💬⬇️