وأخيراً أقدر أقدم لكم مادة متكاملة عن لغز “احتياجاتنا الشخصية”

سؤال يتكرر من ٢٠١٥ لما قدمت برنامج [ مفاتيح الإنسجام الداخلي ] [ وهو برنامج أسااااسي وجداً مهم وأتوقع إنك أخذتيه أصلاً ]

السؤال هو : نحتاج نوفر لأنفسنا إحتياجاتنا الأساسية ،، لكن ماهي ؟ هل هي فقط الغذاء والأمان ؟ هل هي الاحتياجات الجسدية ؟ أم الروحية والعاطفية كذلك ؟

ومن وقتها وأنا أبحث عن جواب هذا السؤال ، أبحث عن سيستم [ أو بوصلة ] تخلينا نقدر نؤمن إحتياجاتنا بوعي وبتوازن ،، نقدر نفـــهــــم أنفسنا ونفهم ايش محتاجين بالضبط عشان نقدر نؤمنه ونوفره لأنفسنا

سيستـم [ أو بوصلة ] تخلينا واعين بـ هذه الاحتياجات الأساسية ، نقدر نسعى لها ، نقدر نطلبـها ، ونقدر نحققها ..

كالعادة ، أبحث في المواد اللي أقدمها عن نموذج واقعي قابل للتطبيق ، كلام وأفكار تدخل في حياتنا اليومية بـ سلاسة ، تغيِّـر من اختياراتنا اليومية للأفضل ..

بوصلة الاحتياجات الأساسية ?

٦ إحتياجات بنشرحهم بالتفصيل .. شلون يأثرون بشكل لا واعي على إختياراتنا [ وشلون كل أخطائنا بالسابق كانت محاولات لا واعية لتوفير احتياج ما لكن بطريقة غير صحية ! ]

١- التأكد

٢- التنويع

٣- الأهمية

٤- الحب والاتصال

٥- النمو

٦- المساهمة

شلون نقدر نوفرهم لكن بشكل صحي متوازن [ وبنشرح شلون غالبية الناس يحاولون يوفرون هالاحتياجات بشكل غيـــر صحي ]

شلون نقدر نوازن ما بينهم [ لأن بعضهم يتعارضون ظاهرياً مع بعض ، وهذا خطأ كثير يقعون فيه ]

بنشوف هالاحتياجات في إطار الزواج / التربية / العمل / علاقتك بنفسك / المال / الصحة .. وغيرها

المادة بتساعدك تتحملين مسؤولية نفسك بـ احتراف بـ وعي بـ حكمة ..

بتساعدك تكونين [مديرة] ممتازة لـ نفسك ! تحطين جهدك بالمكان الصح وبذكاء بدون تضييع وقت في المكان الخطأ

بتساعدك تختصرين وقتك

تطلبين الطلب الصح من المصدر الصح ،، بدون تضييع وقت في طلبات مو هي اللي فعلاً نحتاجها ، وبدون تضييع وقت في المصادر الخاطـئـة

٨ سنوات من البحث والتجارب والأفكار ،، والحين جهــزت المادة ?

ليش الكبار بالعمر يركزون كثيـر كثيـــر عالمرض وعالتعب في كلامهم ؟

ليش السجن الانفرادي من أقسى العقوبات بالسجن ؟

ليش لما بنهاية السفرة اللي كثير قضينا وقت بالتخطيط لها ، نحس اننا محتــاجــين للبيت ولـ سريرنا !؟

ليش البعض يهتمون بشكلهم ولبسهم قدام الناس أكثر من بالبيت ؟

ليش “حديثي النعمة” يهتمون كثيــر بالماركات الواضحة وإثبات غناهم أكثر من العوائل اللي مرت الأجيال وهم في ثراء ؟

ليش بعض الرجال عندهم غرفة gaming للعب الأون لاين ! غرفة وديكور وساعات طويلة من “اللعب” ؟

ليش ما نقدر نترك بعض العلاقات اللي صار ضررها علينا أكثر بكثيــــر من نفعها ؟

ليش الزوج اللي زوجته أعلى منه إجتماعياً يتصرف بـ غرابة ويختلق بينهم المشاكل ؟

وغيرها من الأسئلة اللي بنتعرف على إجاباتها !

البرنامج مسجَّــل وكامل عالموقع

+ هناك ٣ لقاءات مباشرة سابقة موجود تسجيلهم [ مهمين ]

ودايماً أرحب بأسئلــة المشتركات عن المواد عالايميل [ كالعـــــادة في كل برامجي ]

لو محتاجة أي مساعدة إضافية : وتساب السكرتيرة 0096565660624

?